O Lago Victoria, situado no continente africano, conforma o lago tropical máis grande do mundo, con 68.000 quilómetros cadrados (para ilustrarvos, o equivalente a dúas veces a comunidade de Catalunya). A historia da perca do Nilo comezou a finais dos anos 50, cando un funcionario colonial relacionado co departamento de pesca de Tanzania, introduciu esta especie de maneira clandestina no lago. A sorpresa chegou pouco tempo despois. No lago había catalogados diferentes xéneros de peces dunhas 300 especies, que vivían en diversas prtes do lago nos denominados nichos ecolóxicos. Como ía dicindo, poucos anos despois da introducción da perca no lago, ésta xa se multiplicara dunha maneira asombrosa, extinguindo a unhas aproximadamente 210 especies que antes poboaban as augas do lago. Isto provocou, pola súa parte, a multiplicación das algas, a eutroficiación e a anoxia das profundidades do lago.