LIMIAR OU INTENCIÓNS
Primeiramente, e para botar a andar, gustaríame esclarecer as intencións, por denominalo dalgunha maneira, deste blog.
Con él, non só eu, senón moita xente que me apoiou e me apoia no meu propósito, pretendemos dar a coñecer a nosa asociación, máis aló de que se converta nunha bitácora pechada a socios.
Queremos, a través deste soporte, darnos a coñecer na rede, con esperanzas de que alguén nos "descobra" e decida participar tamén neste proxecto, aportando o que queira e vexa preciso.
Primeiramente, nos próximos apartados, falaremos das orixes desta peculiar asociación, non sen antes contextualizala en Cerceda, un pobo tamén un tanto peculiar, como veremos máis adiante...
Logo disto, falaremos de tódalas actividades que se fixeron e, especialmente, dos festivais rock-folk que se viñeron organizando dende que eu levaba cueiros.
Paralelamente, informaremos das actividades que estamos a organizar, esperando máis propostas, ó igual que se poderán abrir debates sobre calquer tema que consideremos interesante.
Outra proposta que fixo Bocixa( para quen o coñeza) foi facer un apartado para anéctodas acontecidas na asociación durante a súa longa andaina. Para isto abrirei próximamente un apartado.
Por agora, estas son as nosas intencións: crear un espazo informativo no que todo o mundo poida participar e facer suxerencias, para que Lucerna medre, e nós con ela.
